Thursday, November 24, 2016

♪ Android 6.0 Marshmallow ရဲ့ စွမ်းဆောင်ချက်များကို သင့် Android Device မှာ အသုံးပြုနည်းများ ♫


Google က Android 6.0 Marshmallow ကို ဖြန့်ချီပေးထားတာ ကြာပြီ ဖြစ်ပေမယ့် မရရှိသေးတဲ့ စမတ်ဖုန်း၊ တက်ဘလက်များစွာ ရှိနေပါသေးတယ်။ အထူးသဖြင့် တန်ဖိုးသင့်နဲ့ တန်ဖိုးနည်း ဖုန်းများအတွက် ဖြစ်ပါတယ်။ ဒါပေမယ့် စိတ်ပူစရာတော့မရှိပါဘူး။ အဲဒီ တန်ဖိုးသင့်နဲ့ တန်ဖိုးနည်း ဖုန်းများ အပါဝအင် Android Device တိုင်းမှာ Android Marshmallow ရဲ့ စွမ်းဆောင်ချက်များကို သင့်ဖုန်းမှာ ရရှိနိုင်မယ့် နည်းလမ်းများရှိပါတယ်။

Android Marshmallow feature : App Permissions များကို စီမံခန့်ခွဲခြင်း။
-----------------------------------------------------------------------------------
Android Marshmallow မှာ App Permissions များကို Allow or Deny ပြုလုပ်နိုင်လာပါတယ်။ အဲဒီအတွက် App ရဲ့ လုပ်ငန်းနဲ့ မပတ်သက်တဲ့ Permissions များကို တောင်းဆိုရင် သင်က ပယ်ချနိုင်မှာ ဖြစ်ပါတယ်။ ဒါဟာ အလွန်အသုံးဝင်ပြီး Android Lollipop မှာ တစ်စိတ်တစ်ပိုင်းပါရှိခဲ့ပါတယ်။ သင့်ဖုန်းဟာ Root လုပ်ထားရင် Android Marshmallow ရဲ့ App Permissions များကို စီမံခန့်ခွဲနိုင်တဲ့ စွမ်းဆောင်ချက်ကို ရရှိဖို့ XPrivacy ကို အသုံးပြုနိုင်ပါတယ်။


https://goo.gl/BSOSrg

Android Marshmallow feature: Chrome Custom Tabs
-------------------------------------------------------------------
Android Marshmallow မတိုင်မီမှာတော့ App တစ်ခုမှ Link တစ်ခုကို နှိပ်ရင် Default Browser နဲ့ ဖွင့်ပေးမှာဖြစ်ပါတယ်။ ဒါဟာ ကောင်းမွန်ပေမယ့် လက်ရှိ အသုံးပြုနေတဲ့ App ကိုပဲ ဆက်လက် အသုံးပြုချင်ပြီး Link ကို နောက်ကွယ်မှာ ဖွင့်ချင်ရင်တော့ အဆင်မပြေပါဘူး။ Marshmallow မှာတော့ Link တစ်ခုကို နှိပ်ရင် System Resources များကို အနည်းငယ်ပဲ အသုံးပြုတဲ့ ကန့်သတ်ထားတဲ့ Chrome Custom Tabs နဲ့ ပြသပေးမှာပါ။ အဲဒီစွမ်းဆောင်ချက်ကို သင့်ဖုန်းမှာ အသုံးပြုချင်ရင် Link Bubble ကို သုံးပါ။ သူက အခြား Apps များမှ Link တစ်ခုကို နှိပ်ရင် နောက်ကွယ်မှာ ဖွင့်ပေးထားမှာ ဖြစ်ပြီး သင်လက်ရှိ သုံးနေတဲ့ App ကို ဆက်လက်အသုံးပြုနိုင်မှာပါ။


https://goo.gl/Ohl1nu

Android Marshmallow feature: Smart Link
-----------------------------------------------------
Marshmallow မတိုင်မီမှာ Link တစ်ခုကို နှိပ်ရင် ဖွင့်ချင်တဲ့ App ကို ရွေးချယ်ပေးရမှာ ဖြစ်ပါတယ်။ Marshmallow ရဲ့ Smart Link ကတော့ လင့်တစ်ခုကို နှိပ်ရင် သင့်တော်တဲ့ App ကို ရွေးချယ် ဖွင့်ပေးမှာ ဖြစ်ပါတယ်။ Smart Link ကို သင့်ဖုန်း အဟောင်းမှာ အသုံးပြုချင်ရင် TapPath ကို အသုံးပြုပါ။ ( TapPath ဟာ Google Play Store မှာ မရှိတော့တဲ့အတွက် အောက်ပါ Link သို့မဟုတ် Google မှာ ရှာပြီး သုံးပါ။ )


https://goo.gl/Vy3T2i

Android Marshmallow feature: ငွေပေးချေမှုများအတွက် လက်ဗွေရာ လုံခြုံရေး စနစ်ကို ထောက်ပံ့ခြင်း။
------------------------------------------------------------------------------------
Marshmallow မှာ Fingerprint Sensor ထောက်ပံ့မှုကို OS ထဲမှာ မြှပ်နှံထားပြီး ဖုန်းကို Unlock ပြုလုပ်ဖို့သာမဟုတ်ဘဲ ငွေပေးချေမှုများအတွက်ပါ ထောက်ပံ့လာပါတယ်။ အဆိုပါ စွမ်းဆောင်ချက်မျိုးကို နောက်ပိုင်းထုတ် Samsung Devices များမှာ အသုံးပြုနိုင်ပါတယ်။ Settings > Fingerprints > Pay with PayPal မှာ Enable လုပ်နိုင်ပါတယ်။

သင့်ဖုန်းမှာ Fingerprint Reader မရှိရင် ICE Unlock ကို အသုံးပြုပြီး သင့်ကင်မရာကို Fingerprint Reader အဖြစ် အသုံးပြုနိုင်ပါတယ်။ ဒါပေမယ့် ဖုန်းကို Unlock ပြုလုပ်ဖို့သာ အသုံးပြုနိုင်ပါတယ်။ နောက်ပြီး ကင်မရာဟာ တကယ့် Fingerprint Scanner အစစ်လောက်တော့ အစွမ်းမထက်ပါဘူး။ အဲဒီအတွက် ဖုန်းမှာ Credit , Debit Card များ ထည့်သွင်းထားသူများအတွက် စိတ်ချရတဲ့ လုံခြုံမှုမျိုး မရနိုင်တာကို သတိပြုပါ။ ဖုန်းကို Unlock လုပ်ဖို့ Passcode, Password , Pattern များကို အသုံးပြုရတာ အလုပ်ရှုပ်ရင်တော့ ICE Unlock က အသုံးဝင်ပါတယ်။


https://goo.gl/KFXya3

Android Marshmallow feature: SD Card ကို Internal Storage အဖြစ် အသုံးပြုနိုင်ခြင်း။
---------------------------------------------------------------------------------
Marshmallow မှာ SD Card ကို Internal Storage အဖြစ် အသုံးပြုလာနိုင်ပါတယ်။ အဲဒီအတွက် App များကို အင်စတောလုပ်ရာမှာ Internal မှာ နေရာမကျန်တော့ရင် SD Card မှာ အင်စတောလုပ်နိုင်မှာ ဖြစ်ပါတယ်။ နောက်ပြီး ဒေတာများစွာ သိမ်းဆည်းထားတဲ့ Apps များအတွက်လည်း အဆင်ပြေစေမှာ ဖြစ်ပါတယ်။ အဲဒီ စွမ်းဆောင်ချက်ကို သင့်ဖုန်းမှာ အသုံးပြုချင်ရင် ကာလအတန်ကြာ ကတည်းက ထွက်ရှိနေခဲ့တဲ့ Link2SD ကို အသုံးပြုနိုင်ပါတယ်။


https://goo.gl/cYDOWy

No comments:

Post a Comment