Saturday, April 30, 2016

♪ အူရီဒူးမှမိတ်ဆက်လိုက်သည့် Facebook စိတ်ကြိုက်သုံးစွဲနိုင်မည့် အထူးအစီအစဉ် ♫


AW for Facebook Campaign
မြန်မာနိုင်ငံတွင် Internet သုံးစွဲသူအရေအတွက် များပြားလာပြီး Facebook မှာ အင်တာနက် အသုံးပြုရခြင်း၏ အဓိကအကြောင်းရင်း တစ်ခုဖြစ်လာသည်။ အူရီဒူးမြန်မာသည် စတင်လုပ်ငန်း ဆောင်ရွက်ချိန်မှစ၍ သုံးစွဲသူများ၏ လိုအပ်ချက်များနှင့် ကိုက်ညီသည့် ကမ်းလှမ်းချက်များ၊ အစီအစဉ် များအမြဲဆန်းသစ်တီထွင် ဖန်တီးပေးလျက်ရှိပြီးစိတ်လှုပ်ရှားဖွယ် အစီအစဉ်ကိုထပ်မံဖန်တီး ပေးလိုက် ပြီ ဟုသိရသည်။ ယင်းမှာ အူရီဒူးသုံးစွဲသူများ အနေဖြင့် ပိုမိုချိုသာသော ဈေးနှုန်းဖြင့် အကန့်အသတ် မရှိ စိတ်ကြိုက် Facebook  အသုံးပြုနိုင်မည့် အစီအစဉ် တစ်ရပ်ကို စာရင်းသွင်းခပေးစရာမလိုဘဲ ရရှိနိုင်တော့မည် ဖြစ်သည်။
အူရီဒူး၏ Facebook စိတ်ကြိုက်သုံးအစီအစဉ်အား အူရီဒူးသုံးစွဲသူမိဘပြည်သူများအနေဖြင့် အခမဲ့စာရင်းသွင်းကာ 1 MB လျှင် ၃ ကျပ်နှုန်းဖြင့် အကန့်အသတ်မရှိ Facebook သုံးစွဲနိုင်မည် ဖြစ်ကာ အသုံးပြုလိုသူများအနေဖြင့် *4444# သို့ ဖုန်းခေါ်ဆိုရမည်ဖြစ်သည်။  ယခုအစီအစဉ်မှာ သုံးစွဲမှုပမာဏကို ကန့်သတ်ထားခြင်းမရှိဘဲ အထူးနှုန်းဖြစ်သော 3 Kyats / MB ဖြင့် Messenger ဖြင့်လည်းကောင်း၊ Voice Calls ၊ Video Calls များဖြင့်လည်းကောင်း ဆက်သွယ်ပြောဆိုမှုများ ပြုလုပ်နိုင်ခြင်း၊ စိတ်ကြိုက် status တင်ခြင်း၊ ဓာတ်ပုံတင်ခြင်းများ ပြုလုပ်နိုင်ခြင်း၊ Facebook မိတ်ဆွေများမှ ဝေမျှထားသည့် ဗီဒီယိုများအား ကြည့်ရှုခြင်း တို့ကို ဆောင်ရွက်နိုင်မည်ဖြစ်သည်။ 
အဆိုပါ အစီအစဉ်အား ၂၀၁၆ ခုနှစ်၊ ဧပြီလ (၂၉) ရက်တွင် စတင်အသုံးပြုနိုင်မည်ဖြစ်ပြီး၊ ပထမဆုံးအကြိမ်စာရင်းသွင်းခြင်းကို အခမဲ့ဆောင်ရွက်နိုင်မည်ဖြစ်သည်။ အဆိုပါ Facebook စိတ်ကြိုက်သုံး အထူးအစီအစဉ်ကို အသုံးပြုမည်ဆိုပါက အခြားအော်ပရေတာများသို့ ဖုန်း ခေါ်ဆိုခမှာ တစ်မိနစ်လျှင် (၃၅) ကျပ် ကျသင့်မည်ဖြစ်သည်။ စာရင်းသွင်းခြင်းကို ပယ်ဖျက်လိုပါက *4445# ကို ခေါ်ဆို၍ လွယ်ကူစွာပယ်ဖျက်နိုင်မည် ဟုလည်းသိရသည်။
အူရီဒူးမြန်မာ၏ Chief Marketing Officer ဖြစ်သူ Charity Safford က “ Facebook ဟာ မြန်မာပြည်သူလူထုအတွက် ပိုမိုကောင်းမွန်စွာ ဆက်သွယ်ဖို့ရာနဲ့ ကမ္ဘာ့အနှံအပြားမှ သတင်းအချက် အလက်တွေကို စဉ်ဆက်မပြတ်စူးစမ်း ရှာဖွေနေဖို့ရာအတွက် အဓိကလူမှုကွန်ယက်ကြီးတစ်ခု ဖြစ်တယ် လို့ ကျွန်မတို့ယုံကြည်ပါတယ်။  ဒါ့ကြောင့် အူရီဒူးသုံးစွဲသူမိဘပြည်သူများ Facebook ကိုဈေးနှုန်းချိုသာစွာနဲ့ အကန့်အသတ်မရှိအသုံးပြုနိုင်မယ့် Facebook စိတ်ကြိုက်သုံး အထူးအစီအစဉ် ကို ဖန်တီးပေးလိုက်နိုင်လို့ ၀မ်းသာပါတယ် “ ဟု ပြောကြားခဲ့သည်။
အူရီဒူး၏ Facebook စိတ်ကြိုက်သုံးအစီအစဉ်နှင့်ပတ်သက်၍ အသေးစိပ် သိရှိလိုပါက Ooredoo Myanmar Facebook Page တွင် ၀င်ရောက်ကြည့်ရှုနိုင်ပါသည်။

No comments:

Post a Comment