တရားရှုမှတ်မှုအပေါ် သိပ္ပံအမြင်ဖြင့် ချည်းကပ်ခြင်း""

တရားရှုမှတ်မှုအပေါ် သိပ္ပံအမြင်ဖြင့် ချည်းကပ်ခြင်း""

           တရားရှုမှတ်ခြင်းက ရုပ်နှင့်နာမ်တို့၏ အခြေအနေကို မည်ကဲ့သို့ တည်ငြိမ်အေးချမ်းစေသနည်းဆိုသည်ကို သိပ္ပံမှ အတိအကျနှင့် အပြည့်အဝ မရှင်းပြနိုင်သေးသော်လည်း ပုံမှန်တရားရှုမှတ်ခြင်းဖြင့် စိတ်ဖိစီးမှုနှင့် ရုပ်ခန္ဓာတွင်း ပြောင်းလဲမှုများကို ဖြစ်စေကြောင်း အထောက်အထား ခိုင်လုံစွာ သိရပြီးဖြစ်သည်။

        တရားရှုမှတ်ခြင်းကြောင့် စိုးရိမ်ပူပန်မှုများကို လျော့ကျစေပြီး သက်သောင့်သက်သာရှိစေလျက် လူတို့၏စိတ်တွင် လောဘ,ဒေါသ,မောဟများလွန်ကဲ မှုကို တားဆီးခြင်းဖြင့် စိတ်ကိုထိန်းချုပ်နိုင်စေကြောင်း တွေ့ရှိထားသည်။ တရားရှုမှတ်ခြင်းတွင် အနောက်တိုင်းနိုင်ငံအချို့တွင် ကျင့်သုံးကြသည့်တီအမ် Transcendental Meditation ခေါ်ရှုမှတ်နည်းနှင့် ဗုဒ္ဓမြတ်စွာညွှန်ပြသော သတိပဋ္ဌာန်ရှုမှတ်နည်းတို့ ဖြစ်ကြသည်။

        အာရုံလွန်ကမ္မဋ္ဌာန်းဟုခေါ်သည့် တီအမ်နည်းဖြင့် ရှုမှတ်သူသည် မန္တန်တို့ကို တစ်ရက်လျှင် မိနစ်အတန်ကြာ နေ့တိုင်းရွတ်ဖတ်ရသည်။ အမေရိကန်နိုင်ငံ ဟာဝိုင်အီတက္ကသိုလ်နှင့် ချားလ်စ်ဒရူးတက္ကသိုလ် ပညာရှင်များ၏ လေ့လာချက်အရ တီအမ်နည်းသည် အသက်ကြီးပိုင်း နှလုံးသွေးကြောရောဂါသည်များ၌ စိတ်ဓာတ်ကျခြင်းကို သက်သာစေကြောင်း သိရသည်။

ဗုဒ္ဓမြတ်စွာ။ သတိပဋ္ဌာန်တရားနည်းအတိုင်းရှုရာတွင် အများအားဖြင့် ဝင်လေထွက်လေကိုမှတ်ခြင်းဖြင့် သမာဓိထူထောင်ကာ မိမိအာရုံ တွင်ပေါ်သမျှကို အလိုက်သင့် မလွတ်တမ်း လိုက်လံရှုမှတ် ရသည်။

          စိတ်ပညာသိပ္ပံဂျာနယ်တွင် ဖော်ပြချက်အရ နေ့စဉ်တရားရှုမှတ်ခြင်းသည် လူတို့၏ အာရုံစူးစိုက်နိုင်မှုအတိုင်းအတာကို မြင့်မားရှည်လျားစေသည်ဟု သိရ သည်။ တရားရှုမှတ်နိုင်မှု ပို၍ကြာလေ၊ အာရုံစူးစိုက်နိုင်မှုသည်လည်း ပို၍ထက်မြက်လေ အချိန်ပိုကြာကြာ စူးစိုက်နိုင်လေဖြစ်သည်။ အာရုံစူးစိုက်မှု တိုးတက်လာခြင်းအပြင် အနည်းငယ်မျှ တရားရှုမှတ်ခြင်းသည်ပင် နာကျင်ခြင်းကို ပြေလျော့စေနိုင်ကြောင်း သိရှိရသည်။

          လေ့လာချက်တစ်ခု၌ တရားပုံမှန်ရှုမှတ်သူတို့နှင့် ရှုမှတ်လေ့မရှိသူတို့ကို အုပ်စုနှစ်ခုခွဲသည်။ လေဆာရောင်ခြည်ဖြင့် အခါအားလျော်စွာ ပစ်လွှတ်ကာ ယင်းတို့၏ကိုယ်၌ နာကျင်မှုကို ဖန်တီးဖြစ်ပေါ်စေသည်။ နာကျင်မှု ဖြစ်ပေါ်ရာ ကိုယ်အင်္ဂါနှင့် ဆက်သွယ်ထားသော ဦးနှောက်၏အပိုင်းနှင့် နာကျင်ခြင်းကို သတင်းပို့သောနေရာများသည် တရားရှုမှတ်ခြင်းကြောင့် အလုပ်လုပ်မှုနှေးသွားကြောင်း တိုင်းတာရေးကိရိယာများက ညွှန်ပြသည်။

          ရောင်ခြည်ပစ်လွှတ်မှု ရပ်နားထားစဉ် တရားရှုမှတ်ခြင်းအကျင့် မရှိသူတို့သည် လေဆာရောင်ခြည်လာတော့မည့်အရေးကို ကြိုတင်၍ စိုးရိမ်စိတ်များဖြစ်ကြသော်လည်း တရားရှုမှတ်လေ့ရှိသူများတွင်မူ ထိုသို့ တွေးပူနေသည့်စိတ်များစွာ လျော့ပါးကြောင်းတွေ့ရသည်။ တရားရှုမှတ်သူတို့သည် ပစ္စုပ္ပန်တည့်တည့်ကိုသာ ရှုမှတ်နေသောအကျင့်ရပြီးဖြစ်၍ နောင်လာမည့်နာကျင်မှုကို ကြိုတင်တွေးပူခြင်း နည်းပါးကြောင်း ပညာရှင်တို့က ကောက်ချက်ချသည်။

       တစ်ရက်လျှင် နာရီဝက်ကြာ၊ သုံးရက်မျှ တရားရှုမှတ်ပေးလျှင် ရှုမှတ်နေစဉ်၌ သာမကရှုမှတ်ခြင်း မပြုတော့သည့်အချိန်တွင်လည်း နာကျင်ခြင်းဝေဒနာကို သက်သာစေနိုင်သည်ဟုဆိုသည်။ အခြားလေ့လာချက်တစ်ခုတွင် ပညာရှင်ဇိုင်ဒန်းနှင့်အဖွဲ့သည် လူ၁၅ဦးကို တစ်ရက်လျှင် နာရီ ဝက်နှုန်းဖြင့် လေးရက်ကြာ တရားရှုမှတ်ခိုင်းသည်။ မရှုမှတ်မီနှင့် ရှုမှတ်ပြီးချိန်များတွင် ခြေသလုံး၌ ၁၂ဝ ဒီဂရီဖာရင်ဟိုက်ရှိသော အတန်ပြင်း ထန်သည့် အပူဓာတ်ဖြင့်လည်း ကောင်း၊ ၉၅ဒီဂရီဖာရင်ဟိုက်ရှိသော မပြင်းလှသည့် အပူဓာတ်ဖြင့်လည်းကောင်း အပူဓာတ်တစ်မျိုးလျှင် ၁၂- စက္ကန့်ကြာမျှ ထိတွေ့စေသည်။

        ရှုမှတ်သူတို့သည် သူတို့ခံစားသိရှိရသော ခံစားမှုပမာဏကို ၁- မှ ၁ဝ- အထိရှိသည့် ခလုတ်များကို နှိပ်ခြင်းဖြင့် မှတ်တမ်းတင်ရသည်။ အပြင်းထန်ဆုံးသော ခံစားမှုကိုကြုံရလျှင် ၁ဝကိုနှိပ်၍ အလွန်အားပျော့စွာ ခံစားသိရှိလျှင် ၁-စသည်ဖြင့် အဆင့်ဆင့်နှိပ်ရသည်။ အမ်အာရ်အိုင်(MRI) Magnetic Resonance Imaging ခေါ် အထူးဓာတ်မှန်တစ်မျိုးဖြင့်လည်း ရှုမှတ်သူတို့၏ဦးနှောက်ကို တိုင်းတာလေ့လာသည်။ အဆိုပါ သုတေသန၏ တွေ့ရှိချက်များကို အသေးစိတ်မသိရသေးသော်လည်း နာကျင်ခြင်းဝေဒနာကို ခံစားရမှုသည် တရားမမှတ်မီကထက် မှတ်ပြီးအချိန်တွင် ၅၇ ရာခိုင်နှုန်းခန့် လျော့ပါးသွားကြောင်း ထုတ်ပြန်သည်

          အစမ်းသပ်ခံသူတို့က သူတို့ခံစားရသောဝေဒနာ၏ ပြင်းထန်မှုမှာ၎ဝ-ရာခိုင်နှုန်းခန့် နည်းသွားသည်ဟု ပြောကြသည်။ ရုပ်နှင့်နာမ်တို့၏ ဖြစ်ပျက် ပြောင်းလဲခြင်းတို့ကို စဉ်ဆက်မပြတ် ရှုမှတ်နေခြင်းကြောင့် နာကျင်မှုအပေါ် ဦးနှောက်က တုံ့ပြန်ခြင်းကို ပြောင်းလဲပုံကို အမေရိကန်နိုင်ငံ စန်ဒီယေဂိုမြို့တွင် ကျင်းပခဲ့သော အာရုံကြောသိပ္ပံအဖွဲ့၏ နှစ်ပတ်လည် အစည်းအဝေး၌ အဆိုပါပညာရှင်တို့ က တင်ပြသည်။

        အာရုံခံအချက်ပြမှုများကို လက်ခံစိစစ်ပို့ လွှတ်ပေးရာ ဦးနှောက်၏ အချို့အစိတ်အပိုင်းများ လှုပ်ရှားဓာတ်ပြုမှု လျော့နည်းသွားသဖြင့် နာကျင်မှု သက်သာကြောင်း သူတို့ကဆိုသည်။ အထက်ပါတွေ့ရှိချက်များအပါအဝင် တရားရှုမှတ်ခြင်း၏အကျိုးများကို သိပ္ပံနည်းကျ တွေ့ရှိလာရခြင်းများကြောင့် စိတ်ရောဂါကုသရာတွင် နာကျင်ခြင်းနှင့်အဆစ်အမြစ်ကိုက်ခြင်းတို့ကို သက်သာရာရစေရာတွင် တရားရှုမှတ်ခြင်းကို တစ်နေ့တခြား ပိုမိုသုံးစွဲ လာကြသည်။

ဖဲလစ်ကာစနိုက်ဒါသည် အဆင့်မြင့် နည်းပညာကုမ္ပဏီတစ်ခုတွင် အလုပ်လုပ်ကိုင်နေရာမှ နုတ်ထွက်လိုက်ရသောအခါ သူမ၏ဘဝသည် ဖရိုဖရဲ ဖြစ်သွားသည်။ စိတ်မတည်မငြိမ် ဖြစ်သွားသည်။ သူငယ်ချင်း တစ်ယောက်၏ အကြံပြုချက်အရ တရားစခန်းတစ်ခုသို့ သွား၍ တရားထိုင်ကြည့်သည်။

တစ်ရက်လျှင် သုံးနာရီ တရားရှုမှတ်ရသည်။ တရားစခန်းအပြီးတွင် သူမ၏ဘဝသည် အကောင်းဘက်သို့ ဦးတည်သွားကြောင်း ဖယ်လစ်ကာကဆို သည်။ ”ကျွန်မရဲ့ ပတ်ပတ်လည်မှာ ပူဖောင်းတစ်ခုက ငုံအုပ်ထားပေးသလိုပဲ တည်ငြိမ်အေးချမ်းမှုကို ခံစားရပါ တယ်” ဟု သူမက ဆိုသည်။ အသက် ၂၇ နှစ်အရွယ် ဖဲလစ်ကာစနိုက်ဒါသည် ယခုအခါ အမျိုးသမီးသီးသန့် တရားစခန်းတစ်ခုကို အမေရိကန် ဘော်စတွန်တွင် ဖွင့်လှစ်ထားသည်။

သူမလိုပင် အမျိုးသမီးများ၏ဘဝတွင် တည်ငြိမ်မှုရစေရန် ရည်ရွယ်သည်။ ဗရုတ်သုတ်ခနိုင်လှသော ကမ္ဘာကြီးထဲတွင် စနိုက်ဒါကဲ့သို့ တည်ငြိမ်အေးချမ်းမှုရရန် တရားရှုမှတ်ခြင်းကို အားကိုးလာနေကြသူ အတော်များပြားလာလျက်ရှိသည်။ ယင်းတို့မှာ ဗုဒ္ဓမြတ်စွာညွှန်ပြခဲ့သော သတိပဋ္ဌာန်တရားတော်၏ အပေါ်ယံကြောမျှသာဖြစ်သော အကျိုးကို လက်တွေ့ခံစားနေရသူများဖြစ်သည်။

ဗုဒ္ဓတရားတော်ကို ကောင်းစွာသဘောပေါက်ပြီး သတိပဋ္ဌာန်တရားတော်ကို အစဉ်တစိုက် ပွားများသူများမှာ တစ်ဘဝစာ ငြိမ်းအေးမှုသာမက တစ်ချိန်တွင် မည်သည့်အခါမျှ မအိုတော့,မနာတော့ ,မသေတော့သော အကျိုးထူးကို ခံစားနိုင်ကြမည်ဖြစ်ပါသည်။။
---------------------------------------------------------------------------------------------------------------------------------------------
တရားရဲ့နယ်ထဲကို တကယ်ရောက်သွားတဲ့အခါ သိပ္ပံလည်း လိုက်မမှီတော့ပါဘူး...။ တရားရဲ့သက်မှတ်ချက်က ပါးစပ်ကပြောရခက်တယ်.. ။ သိပ္ပံနဲ့စမ်းသက်ဖို့လည်း မလွယ်ဘူး...။ တကယ်တော့ ၀ိပဿနာရဲ့သဘောကို ကောင်းကောင်းသဘောပေါက်ချင်ရင်တော့ ကိုယ်တိုင်ကျင့်မှ အမှန်တရားကိုမြင်ရတာ။ ဒါလေးက သမာဓိအဆင့်ကို သိပ္ပံနဲ့စမ်းသက်ထားတာလေးဖြစ်ပါတယ်..။

ဒကာမပိတောက်(ခေတ္ထ-USA)မှ ပေးပို့သောစာလွှာဖြစ်ပါသည်။ မူလရေးသူအမည်မှာ ကျော်ဦးဟူ၍ပါ၏။ ဓမ္မမိတ်ဆွေများ စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံကြပါစေ........။

အရှင်ပဏ္ဍိတ(ဒေါင်းဖြူ) 

 

http://buddhismworld.ning.com/profiles/blog/show?id=6371237%3ABlogPost%3A342616&