Sunday, July 14, 2013

Edison – ခွင့်လွှတ်ခြင်းဆိုရာဝယ်

 
ရေးမိရေးရာလေးများ
Edison – ခွင့်လွှတ်ခြင်းဆိုရာဝယ်
အက်ဒီဆင်အတွက်တော့ လျှပ်စစ်မီးသီးကို တီထွင်ရတာမလွယ်လှပါဘူး။
အကြိမ်ပေါင်းများစွာ စမ်းသပ်ရာကနေ ပထမဆုံး သူရဲ့ မီးလုံးလေးဟာလင်းလာခဲ့တာပါ..
အဲ့အတွက် သူတင်မကဘူး သူနဲ့ အတူတူသုတေသန လုပ်နေတဲ့သူ့ရဲ့လက်ထောက်လည်း အောင်မြင်ပျော်ရွှင်မှုကိုရင်ခုန်စွာနဲ့ ခံစားရတာပေါ့။
အက်ဒီဆင်က တီထွင်အောင်မြင်လို့ပြီးသွားတဲ့မီးသီးကို တခြားစမ်းသပ်ခန်းထဲ သူ့ရဲ့ တပည့်လက်ထောက်ကို ဂရုတစိုက်သယ်လာခိုင်းလိုက်တယ်။ အဲဒီစမ်းသပ်ခန်းကို အသွားမှာ လှေခါးလေးတစ်ခုကို တတ်ရတယ်။တပည့်က သေချာဂရုစိုက်စွာ တစ်လှမ်းချင်း လှေခါးပေါ်တက်တယ် ။
လက်ထဲက မီးသီးလေးကိုရင်တထိတ်ထိတ်နဲ့သယ်တယ်။
... ဂရုစိုက်လေစိတ်တွေကပိုလုပ်ရှားပြီး လှေခါးပေါ်ရောက်ခါနီးမှာ
လှေခါးကနေ ခြေချော်ပြီး မီးသီးကျကွဲသွားတယ်။အချိန်ပေါင်းများစွာ အကုန်ခံပြီး ပင်ပန်းစွာ တီထင်ခဲ့တဲ့ မီးလုံးလေးကျကွဲသွားပေမဲ့ အက်ဒီဆင် က သူ့လက်ထောက်ကို အပြစ်မတင်ခဲ့ဘူး။

“ဒီထက်ကောင်းတဲ့ မီးလုံး ထပ်လုပ်ဖို့ အခွင့်အရေးရတာပေါ့ကွာ..။ ” လို့ပဲပြောခဲ့တယ်.။
သူ့လက်ထောက်ကတော့ ဒီမီးလုံးလေး ကျကွဲသွားတာကို ခံစားနေရပြီး
မအိပ်နိုင် ၊ မစားနိုင် ဖြစ်နေခဲ့တယ်။ ။ သူ့ဆရာ အက်ဒီဆင် ဆူပူ
အပြစ်တင်ပြီး စိတ်ကွက်မှာ ကြောက်နေခဲ့တယ်။ ဒါပေမဲ့ ..အက်ဒီဆင်က အပြစ်မတင်ခဲ့ဘူး..။နောက်ထပ်ပိုကောင်းမယ့် မီးသီးတလုံးအတွက်သာ အတူကြိုးစားကြဖို့ အားပေးခဲ့တယ်..
နောက်ရက်အနည်းငယ်အကြာမှာ နောက်ထပ် မီးလုံးလေးတစ်လုံးကို ထပ်တီထွင်နိုင်ခဲ့တယ်..တီထွင်လို့ ရလာတဲ့ မီးသီးကို သူ့ရဲ့တပည့်ကိုပဲ ပြန်ယူခိုင်းတယ်။
ဒီတစ်ခါတော့ တပည့်ကချောမောစွာသယ်ဆောင်နိုင်ခဲ့တယ်။
ဒါကိုဘေးကနေ ကြည့်နေတဲ့ အက်ဒီဆင်ရဲ့ မိတ်ဆွေတစ်ယောက်က အက်ဒီဆင်ကို …“ ခွင့်လွတ်ရင်ရပြီလေ..။ ဘာဖြစ်လို့ နောက်တစ်ခါထပ်သယ်ခိုင်းတာလဲ။
ထပ်ပြီး ကျကွဲသွားရင် ဘယ်လိုလုပ်မလဲ ..။ ”ဆိုပြီး အက်ဒီဆင်ကို အပြစ်တင်တယ်…ဒီတော့ အက်ဒီဆင်က သူ့ သူငယ်ချင်းကို
စေ့စေ့ကြည့်ရင်း ပြုံးပြီးပြောတယ်.။
“ ခွင့်လွတ်တယ်ဆိုတာ ပါးစပ်ကပဲပြောလို့ရတာမဟုတ်ဘူး။
နောက်တစ်ကြိမ် ထပ်ကြိုးစားဖို့ အခွင့်အရေးပေးရတာ..။” တဲ့..
တစုံတယောက်က သူငယ်ချင်းအပေါ် အမှားလုပ်မိရင်..
သူငယ်ချင်းဘက်ကလည်း ခွင့်လွှတ်နိုင်ခဲ့မယ်ဆိုရင်…
နှုတ်ကပဲ ခွင့်လွှတ်ပါတယ်လို့ ပြောမယ့်အစား…
အက်ဒီဆင့်လို .. သူ့အပေါ် နောက်တကြိမ် အခွင့်အရေးပေးကြည့်လိုက်တာက
သူငယ်ချင်းရဲ့စိတ်ဓါတ်ပြည့်ဝမှုကို ပိုပြီး..လှစ်ဟပြနိုင်ပါလိမ့်မယ်.လို့ ထင်ပါတယ်
အားလုံးပဲ..ပြည့်ဝသောစိတ်ထားများဖြင့် ခွင့်လွှတ်နိုင်ကြပါစေ..

Credit - .ပိုးဟပ်ဖြူ. ( Heart Canteen )

No comments:

Post a Comment