♪ " ဆော့ဖ်ဝဲမသုံးဘဲ ဖိုင်ပျက်များကိုဆယ်တင်ခြင်း " ♫

ကွန်ပျူတာသုံးပြီဆိုလျှင် မမျှော်လင့်ဘဲ ဖိုင်ပျက်စီးသည့်အခါမျိုး နှင့်ကြုံရတတ်သည်။ အချို့ဖိုင်များက Copy and Paste လုပ်ငန်းစဉ်တွင် ပျက်စီးသည်။ တချို့က Save လုပ်ငန်းစဉ်မှာပျက်စီးသည်။ လုံးလုံး လျားလျားပျက်စီးသည်တို့ရှိသလို တစ်စိတ်တပိုင်းပျက်စီးသည်လည်း ရှိသည်။ အနည်းငယ်မျှပျက်စီးပြီး ဖွင့်၍မရသောဖိုင်ကို Corrupted File ဟုခေါ်သည်။ ဖိုင်ပျက်တို့ကိုဆော့ဖ်ဝဲမသုံးဘဲဆယ်တင်နိုင်သောနည်း လမ်းအချို့ရှိသည်။ ယင်းတို့မှာ အောက်ပါအတိုင်းဖြစ်ပါသည်။

* Word Document တို့ကိုဆယ်တင်ခြင်း။ *
Word ဖိုင်တို့သည် သိမ်းဆည်းလိုက်စဉ်က ဖြောင့်ဖြောင့်တန်းတန်း ရှိသည်ဟုထင်ရသော်လည်း နောင်တစ်ကြိမ်ပြန်ဖွင့်သည့်အခါ ဖွင့်မရ သည်မျိုးရှိတတ်သည်။ အရေးကြီးအချက်အလက်ပါသည့်ဖိုင်မျိုးဖြစ်က သောကပွားရပါတော့သည်။ တချို့ Word ဖိုင်များက ဖွင့်၍ရသည်။ သို့သော် အထဲတွင်ရိုက်ထားသည့်စာများက မည်သို့မှဖတ်၍မရနိုင်သော စာလုံးများ။ ထိုကိစ္စအတွက် နားအုံနားရင်းများထူပူသွားစရာမလိုပါ။ Word ဆာ့ဖ်ဝဲထဲတွင်ပါသော Built-Recovery Tool ကိုသုံး၍ရသလောက် ဆယ်တင်ကြပါမည်။

ဦးစွာ Office Logo (Office 2007 မှအထက် Version များကိုသုံးလျှင်) ကိုနှိပ်ပါမည်။ Office Version အဟောင်းသုံးသူများက Menu Bar ရှိ File နေရာတွင် ဘယ်ကလစ်နှိပ်ပါမည်။ ပြီးလျှင်ပျက်စီးသောဖိုင်နေရာသို့ အရောက်သွားရပါမည်။ ထိုသို့သွားရာတွင် Open Button ဘေးဖက်ရှိမြှားလေးကို ဦးစွာနှိပ်ပါမည်။ ပေါ်လာသောအကွက်ထဲမှ Open and Repair ကိုရွေးပါမည်။

ဤနည်းလမ်းဖြင့် ပြဿနာကိုမဖြေရှင်းနိုင်လျှင် နောက်တစ်ကြိမ် ၌ Open Button ဘေးမှ မြှားကိုနှိပ်ပြီး ပေါ်လာသောအကွက်ထဲမှ All Word Documents ကိုနှိပ်ပါမည်။ ယင်းနောက်တွင် Recover Text From Any File ကို ထပ်ရွေးပါမည်။ ပြီးလျှင် ဖွင့်ဖတ်၍မရသောဖိုင်ကို သွားရောက်ရွေးချယ်ပေးရပါမည်။ ထိုအခါ Word ဆော့ဖ်ဝဲသည် ဖတ်မရသောဖိုင်ကို Covert လုပ်ပြီး ယင်းထဲမှာစာများကိုရနိုင်သလောက်ဆယ်တင်ပေးပါ မည်။ ယင်းနည်းလမ်းဖြင့် အလုပ်မဖြစ်ခြင်းမျိုးလည်းရှိနိုင်သည်။

အကယ်၍ Windows 7 သို့မဟုတ် ယင်းထက် Version မြင့်သော Windows ကိုသုံးပါက ဖွင့်မရသောဖိုင်ပေါ်တွင် ညာကလစ်ထောက်ပါ။ ပေါ်လာသော Box ထဲမှ Properties ကိုရွေးပါ။ နောက်ထပ်ပေါ်လာသော အကွက်ထဲမှ Previous Version ကိုရွေးပါ။ ထိုအခါ System Restore က Back Up လုပ်ပေးထားသော Word ဖိုင်ကော်ပီအဟောင်းများစာရင်းကို တွေ့ပါမည်။ ယင်းထဲမှ တစ်ခုခုကိုရွေးပြီး ဖွင့်လိုက်ပါ။ ပြဿနာတစ်စုံ တစ်ရာမပေါ်ဘဲ ပွင့်လာသင့်သည်။ Word ဖိုင်အဟောင်းဖြစ်သဖြင့် မိမိ၏ နောက်ဆုံးသိမ်းဆည်းခဲ့သော ဖိုင်ထဲမှ အချက်အလက်အားလုံးကို ရကောင်းမှပြန်ရပါမည်။ လုံးလုံးလျားလျားဆုံးရှုံးခြင်းထက် အချို့အ၀က်ဆုံးရှုံးခြင်းက တော်ပါသေးသည်။ ယခုလုပ်ငန်းစဉ်ကိုသုံးရန် System Restore ကိုဖွင့်ထားရန် လိုအပ်ပါသည်။

Word ဆော့ဖ်ဝဲထဲရှိ Tool များက မကယ်နိုင်လျှင် ချို့ယွင်းနေသောဖိုင်ကိုအွန်လိုင်းသို့တင်ပြီး ပြုပြင်ကြည့်ပါမည်။ www.onlineofficerecovery.com/word သို့ သွားရပါမည်။ ပြဿနာရှိသောဖိုင်ကို တင်ပေးရန်အတွက် Choose File ကိုကလစ်နှိပ်ပြီးရွေးချယ်ပေးပါမည်။ ဆယ်တင်မည့်ဖိုင်သည် DOC, DOCX, DOCM, RTF Format တစ်ခုခု၌အကျုံးဝင်ရန်လိုအပ်ပါသည်။ ယင်းနောက် Secure Upload And Repair ကိုကလစ်နှိပ်၍ ရွေးချယ်ပေးပါ မည်။ ဖိုင်ပျက်ထဲမှ Data များကို တတ်နိုင်သမျှဆယ်တင်ပြီး Word ဖိုင် အသစ်တစ်ခုဖွဲ့စည်းပေးရန်ဖြစ်ပါသည်။

သို့သော် ဇာတ်လမ်းက ဤမှာစသည်။ ပြုပြင်ပြီးသားဖိုင်ကို ဖြောင့် ဖြောင့်တန်းတန်းပြန်ဆွဲချနိုင်ရန်အတွက် ယင်း Website သို့ ၁၀ ဒေါ်လာ သွင်းရန်လိုသည်။ ပြုပြင်ပေးသောဖိုင်သည် အလုပ်ဖြစ်၏ မဖြစ်၏ လေ့ လာရန်အတွက် Demo Version ကိုစမ်းသပ်အသုံးပြုနိုင်သည်။ သို့သော် Demo Version ပြုပြင်ပြီး ဖိုင်ထဲမှစာမျက်နှာအချို့ကိုသာပြပေးနိုင်သည်။ Free Repair ရလိုလျှင် ယင်း Wesite ၌ Sing Up လုပ်နိုင်သည်။ သို့သော် ဆယ်တင်ပြီးဖိုင်ကိုပြန်ယူရန်အတွက်ရက်သတ္တပတ်နှစ်ပတ်စောင့်ရပါမည်။

အကယ်၍ ယင်း Website ကို Facebook သို့မဟုတ် အခြား Website သို့မဟုတ် မိမိ၏ Blog ပေါ်တွင် ထောက်ခံကြော်ငြာပေးခဲ့လျှင် Discount Code ကိုရရှိနိုင်သည်။ ယင်း Code ကိုရရှိလျှင် Word ဖိုင်တစ်ဖိုင်စာကို အခမဲ့ဆယ်တင်ပေးပါလိမ့်မည်။ Office ဖိုင်များကိုပြန်လည်ဆယ်တင်ခြင်း သည် ရသည့်အခါရပြီး မရသည့်အခါလည်းမရပါ။ သို့သော် ကြိုးစား ကြည့်ခြင်းသည် မမှားပါ။ အွန်လိုင်းတွင် Excel, PDF, Outlook တို့မှစာသား များအပြင် အခြားသောဖိုင်အမျိုးအစားတို့ကိုပါဆယ်တင်ပေးနိုင်သော ၀န်ဆောင်မှုလုပ်ငန်းများရှိပါသည်။

* ချို့ယွင်းနေသောမင်မိုရီကတ်မှဖိုင်များကိုဆယ်တင်ခြင်း။ *
မင်မိုရီကတ်ထဲတွင် များသောအားဖြင့် ဓာတ်ပုံများ၊ သီချင်းများ ကိုသိုလှောင်လေ့ရှိသည်။ ကင်မရာထဲက မင်မိုရီကတ်ဆိုလျှင် ဓာတ်ပုံ ထောင်ချီ၍ရှိနိုင်သည်။ ကင်မရာကို ကွန်ပျူတာနှင့်ချိတ်ပြီး အတွင်းထဲ မှဓာတ်ပုံများကိုလှမ်းကြည့်ရာတွင် ကြည့်၍မရတော့ဟုဆိုပါက မည်သို့ လုပ်ကြမည်နည်း။ မင်မိုရီကတ်ပေါ်မှ Error များကိုရှာပြီးပြင်ဆင်၍ရမည် လားဆိုသည်ကို ကြိုးစားကြည့်သင့်ပါသည်။

ဦးစွာ Start Menu သို့သွားပါ။ ယင်းနေရာရှိ Box ထဲတွင် cmd ကိုရိုက် ပါ။ ပြီးလျှင် Enter ခေါက်ပါ။ Command Prompt ပေါ်နေသော Window အမဲ ရောင်တစ်ခုပေါ်လာပါမည်။ Windows 8 မှ အထက်ကိုသုံးလျှင် Scren ၏ အောက်ခြေညာဖက်ထောင့်သို့သွားပါ။ Search နေရာတွင် ကလစ်နှိပ်ပါ။ ပေါ်လာသောအကွက်တွင် Command Prompt ကိုရိုက်ထည့်ပါ။ ယင်း Prompt ၏နောက်တွင် CHKD/SK/F ကိုရိုက်ပါ။ ယင်းနောက်တွင် မိမိရှာဖွေလိုသော မင်မိုရီကတ်၏ Drive Letter ကိုရိုက်ထည်ပါ။ ဥပမာ E ဆိုပါစို့။

ပြီးလျှင် Enter ခေါက်ပါ။ Windows က မင်မိုရီကတ်ထဲရှိဖိုင်များကို ခွဲခြားစစ်ဆေးပါမည်။ ပြီးလျှင်ရှာဖွေတွေ့ရှိသောပြဿနာများအနက်မှ ပြင်ဆင်၍ရသည်တို့ကိုပြင်ဆင်ပေးသွားပါမည်။ ကံကောင်းလျှင် မင်မိုရီ ကတ်ပေါ်မှဓာတ်ပုံအဟောင်းများကို ပြန်လည်ရရှိပါမည်။ ရတုန်းရခိုက် ဓာတ်ပုံများကို လျင်မြန်စွာကူးယူထားလိုက်ပါ။ တစ်ကြိမ်ပြဿနာပေါ် ဖူးသောမင်မိုရီကတ်သည် နောက်တစ်ကြိမ် လည်းပြဿနာပေါ်နိုင်သည်။ သို့ဖြစ်၍ မင်မိုရီကတ်အဟောင်းကို ထပ်မသုံးသင့်ပါ။

မင်မိုရီကတ်၊ မင်မိုရီစတစ်နှင့် Hard Disk တို့ပေါ်မှဓာတ်ပုံများကို ပြန်လည်ရယူနိုင်သော Photo Rec ဟူသည့်ဆောဖ့်ဝဲလည်းရှိပါသေးသည်။ www.bit.ly/photo372 မှနေ၍ Download ချပြီးအသုံးပြုနိုင်ပါသည်။ Portable ဆော့ဖ်ဝဲနှင့်အတူ တစ်တွဲတည်းပါလာမည်မှာ Test Disk ဟူသော Tool ဖြစ်သည်။ Download ချပြီးလျှင် Photo Rec ကိုကလစ်နှိပ်ပြီးသုံးရုံသာရှိပါ သည်။

ယင်း Application သည် Command Line ပါသော Windows ပေါ်လာမည် ဖြစ်ပြီး ယင်းအထဲတွင် ကွန်ပျူတာနှင့်ချိတ်ဆက်ထားသော Drive အား လုံးကိုဖော်ပြပေးထားပါမည်။ ယင်းထဲမှ မင်မိုရီကတ်အားကိုယ်စားပြု သည့် Drive ကိုရွေးချယ်ပါ။ ပြီးလျှင် Enter ခေါက်ပါ။ ဆော့ဖ်ဝဲကညွှန် ကြားသည့်အတိုင်း လိုက်နာဆောင်ရွက်ပါ။ Photo Rec နှင့်ပတ်သက်ပြီး အဆင့်အလိုက်ဆောင်ရွက်ရန်လမ်းညွှန်ကို www.bit.ly/photorec372 တွင်ရ ရှိနိုင်ပါသည်။

မိမိလိုချင်သောသက်ဆိုင်ရာဓာတ်ပုံသည် ချို့ယွင်းနေခဲ့လျှင် ရှေ့ ၌ဖော်ပြခဲ့သည့် Office File Recovery ကိုစမ်းကြည့်သင့်သည်။ အွန်လိုင်း၌ အခကြေးငွေဖြင့်ဆောင်ရွက်သောဝန်ဆောင်မှုသည် JPEG, GIF, TIFF, BMP, PNG, RAQ ဖိုင်များကိုဆယ်တင်ပေးနိုင်သည်။ မည်သည့်ဝန်ဆောင်မှုကို သုံးသည်ဖြစ်စေ မင်မိုရီကတ်၏ Hardware ပိုင်းဆိုင်ရာချို့ယွင်းချက်ကြောင့် ပျက်စီးသွားသောဓာတ်ပုံများကိုမူ ဆယ်တင်ပေးနိုင်မည်မဟုတ်ပါ။

* PDF ဖိုင်များကိုဆယ်တင်ခြင်း။ *
PDF ဖိုင်များကိုဆယ်တင်ရန် အခမဲ့သုံးနိုင်သည်မှာ PDF aid မှထုတ် လုပ်သော Repair PDF Tool ဖြစ်သည်။ ယင်းကို (www.bit.ly/pdfreepair372) မှ Download ချပြီးအသုံးပြုနိုင်သည်။ သို့သော် 20MB အရွယ်ရှိသော PDF ဖိုင်ကိုသာဆယ်တင်နိုင်မည်ဟုဆိုခြင်းကား မနှစ်မြို့စရာဖြစ်ကောင်းဖြစ် နိုင်ပါသည်။ အွန်လိုင်းမှတစ်ဆင့်သာ PDF ဖိုင်များကိုပြုပြင်နိုင်သော Weeny ဆော့ဖ်ဝဲလည်းရှိပါသေးသည်။ ယင်းကို www.bit.lypdfrepair372 မှ Download ချပြီးအသုံးပြုနိုင်သည်။

တစ်ခါတရံ၌ PDF ဖိုင်ကိုကောင်းစွာမဖတ်နိုင် ခြင်းမှာ ဆော့ဖ်ဝဲကြောင့်လည်းဖြစ်နိုင်သည်။ Adobe PDF ဖြင့်ဖတ်၍မရ သော PDF ဖိုင်များကို အခြား အခမဲ့ PDF Reader တစ်ခုခုဖြင့်ဖတ်၍ရ တတ်ပါသည်။

ဧဧသက် (ဖြိုးဓနဒစ်ဂျစ်တယ်ဓာတ်ပုံ)
NetGuide Journal (Every Wednesday)
https://www.facebook.com/officialnetguidejournal