iPhone 4S နှင့် iPhone 5 အချို့တွင် iOS 7 သို့ဗားရှင်း မြှင့်တင်ချိန်တွင် Message Center နံပါတ်ပျောက်ခြင်းများ ဖြစ်ပေါ်နိုင်

iPhone 4S နှင့် iPhone 5 အချို့တွင် အသစ်ထွက် OS Version ဖြစ်သော iOS 7.0.4 သို့ ဗားရှင်းမြှင့်တင်ချိန်တွင် အချို့သောဖုန်းများ၌ ဖုန်းအတွင်းရှိ Message Center နံပါတ် ပျောက်သွားခြင်းများ ရံဖန်ရံခါ ဖြစ်ပေါ်တတ်ကြောင်း သိရသည်။

ယင်းကဲ့သို့ Message Center နံပါတ်ပျောက်သွားခြင်းများ ဖြစ်ပေါ်လာသော ဖုန်းများတွင် Message ပို့၍မရနိုင်တော့ ပြဿနာများ ဖြစ်ပေါ်လာနိုင်သော်လည်း အဆိုပါ အခက်အခဲနှင့် ပြဿနာအား ဖုန်းအသုံးပြုသူများမှ မိမိတို့ကိုယ်တိုင် အလွယ်တကူပြန်လည် ဖြေရှင်းပြုလုပ်နိုင်မည်ဖြစ်ကြောင်း သိရသည်။

Message Center နံပါတ် ပျောက်သွားသော ဖုန်းများအနေဖြင့် မိမိတို့ဖုန်းများ၏ ဖုန်းခေါ်ဆိုရာ Keypad နေရာတွင် *5005*7672*+95959300 03# အား ရိုက်ထည့်ကာ Call ကိုနှိပ်လိုက်ရမည် ဖြစ်ကြောင်းသိရသည်။ ယင်းကဲ့သို့ ရိုက်ထည့်လိုက်ပါက ဖုန်းတွင် Successful ဟုပေါ်လာမည်ဖြစ်ပြီး လုပ်ဆောင်ချက် ပြီးမြောက်ပါကဖုန်းမှ Message စမ်းသပ်ပို့သင့်ကြောင်း သိရသည်။

Message ပို့၍ရပြီဆိုပါက ထပ်မံပြုလုပ်ရန် မလိုအပ်တော့သော်လည်း Message ပို့၍မရသေးပါက ဖုန်းအားပါဝါခေတ္တပိတ်ကာ ပြန်လည်ဖွင့်ကြည့် ရမည်ဖြစ်သည်။ ဖုန်းပြန်လည် ပွင့်လာချိန်တွင် Message ပြန်လည်ပို့ကြည့်ပါက အဆင်ပြေနိုင်မည် ဖြစ်ကြောင်းသိရသည်။ ဖုန်းအားပါဝါ ပိတ်ကာပြန်ဖွင့်ပြီးချိန်ထိ Message မထွက်သေးပါက နောက်တစ်ကြိမ်
ပြန်လည်ပြုလုပ်ရမည် ဖြစ်ကြောင်းသိရသည်။

ယင်းကဲ့သို့ဖြစ်ခြင်းမှာ ဗားရှင်းတင်ပြီးချိန်တွင် ဖြစ်တတ်သော ပြဿနာတစ်ခုသာဖြစ်ပြီး အများအားဖြင့် Jailbreak ပြုလုပ်ထားသော ဖုန်းများတွင် ပိုမိုဖြစ်တတ်ကြောင်း သိရသည်။ Jailbreak ပြု လုပ်ထားသော ဖုန်းများမှာ ဖုန်းတွင်းရှိ အချက်အလက်များ အားလုံးနှင့်တကွဆော့ဖ်ဝဲများ၊ ဂိမ်းများအားလုံး ပျက်စီးသွားနိုင်သည့် အပြင် ယင်းကဲ့သို့ Message Center နံပါတ်များပါ ပျောက်ကွယ်သွားခြင်းများပါ ဖြစ်တတ်ကြောင်း သိရသည်။ Jailbreak မပြုလုပ်ထားသော အချို့သောဖုန်းများတွင်လည်း ရံဖန်ရံခါ ယင်းကဲ့သို့ပြဿနာများ ဖြစ်ပွားတတ်ကြောင်း သိရသည်။

အဆင်ပြေပါစေ..


Credit : အင်တာနက်ဂျာနယ်- အတွဲ (၁၄)၊ အမှတ် (၄၉)


မောင်ပေါက်< Knowledge Note >
www.maungpauk.org