အွန်လိုင်း password များကို ကာကွယ်နိုင်မည့် နည်းလမ်း (၈) ခု

Password များသည် သုံးစွဲသူတို့၏ ဘဏ္ဍာရေးအချက်အလက်၊ အကြွေးဝယ်ကတ် အချက်အလက်နှင့် ကိုယ်ရေး အချက်အလက်များကို ကာကွယ်ပေးနိုင်သော ခံစစ်ဖြစ်သည်။ သို့သော်လည်း လူများသည် ခံစစ်ကို ကာကွယ်ရာတွင် နမော်နမဲ့နိုင်ကြသည်။

ဒုတိယ ကမ္ဘာစစ်နောက်ပိုင်း မွေးဖွားသူများအနက် ၅၈ ရာခိုင်နှုန်း၏ password များမှာ လုံခြုံမှုမရှိကြကြောင်း 2016 Norton “ဆိုက်ဘာလုံခြုံရေး အချက်အလက်အစီရင်ခံစာ” တွင်ဖော်ပြခဲ့သည်။

သက္ကရာဇ် ၂၀၀၀ ခုနှစ်တွင် အရွယ်ရောက်သူများ၏ password များတွင်လည်း အားနည်းချက်များ ရှိသည်။

Password များသည် အပြည့်အဝ စိတ်ချရခြင်း မရှိပေ။ မည်သည့်ဟက်ကာမဆို ကျော်လွှားနိုင်သည်။ ကျွမ်းကျင်သူများ၏ ထပ်တလဲလဲ သတိပေးချက်များ ရှိနေသော်လည်း လူအများစုသည် password နှင့်ပတ်သက်၍ သတိလက်လွတ်ရှိနေကြသည်။

ထို့အတွက်ကြောင့် သုံးစွဲသူများအတွက် အွန်လိုင်းလုံခြုံရေးကို အင်အားဖြည့်တင်းနိုင်မည့် နည်းလမ်း (၈)ခုကို ဖော်ပြလိုက်ပါသည်။

(၁) လုံခြုံမှုမရှိသော password ကို မရွေးပါနှင့်

လူများသည် password များအတွက် “123456” နှင့် “password” တို့ကို အသုံးပြုလျက်ရှိသည်။ ၎င်းတို့မှာ လုံခြုံမှုမရှိဆုံး password များအဖြစ် သတ်မှတ်ခံထားရပြီး ခန့်မှန်းရ လွယ်ကူသည်။ သုံးစွဲသူအနေဖြင့် ဆိုက်တစ်ခုအတွက် password အသုံးပြုမည်ဆိုလျှင် ခန့်မှန်းရလွယ်ကူသော password များကို ရှောင်ရမည်ဖြစ်သည်။ စာလုံးရေ ၁၂ လုံးထက် ရှည်ပြီး အက္ခရာ၊ နံပါတ်နှင့် အခြားသင်္ကေတများ ပါဝင်သော password များကို ရွေးချယ်အသုံးပြုနိုင်သည်။

(၂) Two-factor authentication ကို အသုံးပြုပါ

အရေးကြီး အချက်အလက်များပါဝင်သော အွန်လိုင်းဝန်ဆောင်မှုများတွင် password ရိုက်ထည့်ခြင်းနှင့် account အတွင်းဝင်ရောက်ခြင်းတွင် two-factor authentication ပါဝင်လာသည်။ ၎င်းမှာ မှတ်တမ်းရှိသော ဖုန်းနံပါတ်သို့ code ပေးပို့ခြင်း ဖြစ်သည်။ ထိုနည်းလမ်းဖြင့် ဝက်ဘ်ဆိုက်အတွင်းသို့ ဝင်ရောက်မှု အနည်းငယ်ကြာမြင့်သော်လည်း တစ်စုံတစ်ယောက်က account အတွင်း ဝင်ရောက်ရန် ကြိုးစားလာပါက အလွယ်တကူ သိနိုင်သည်။

(၃) Biometrics ကို သုံးပါ

စမတ်ဖုန်း၊ tablet နှင့် laptop များတွင် password နေရာ၌ လက်ဗွေဖြင့် log on ပြုလုပ်ရသော နည်းလမ်းကို ပိုမိုအသုံးပြုလာကြသည်။ အဆိုပါနည်းလမ်းသည် လုံခြုံမှု ရှိရုံသာမက password မေ့ပျောက်လေ့ရှိသော ပြဿနာကိုလည်း ဖြေရှင်းပေးသည်။ HSBC သည် သုံးစွဲသူများက မိုဘိုင်းထုတ်ကုန်မှတစ်ဆင့် account များကို အသုံးပြုနေကြသည့် ယူကေသုံးစွဲသူ ၁၅ သန်းအတွက် voice recognition နှင့် touch လုံခြုံရေးဝန်ဆောင်မှုကို ထောက်ပံ့နေသော ကုမ္ပဏီတစ်ခုဖြစ်သည်။

(၄) Account အမျိုးမျိုးအတွက် မတူညီသော password များအသုံးပြုပါ

ဝက်ဘ်ဆိုက်အများအပြားအတွင် account တစ်ခုတည်းသာ အသုံးပြုလျှင် အားနည်းချက်များ သိသာထင်ရှားလာမည် ဖြစ်သည်။ ဟက်ကာများအနေဖြင့် password တစ်ခုတည်းဖြင့် အခြားအရေးကြီး account များကိုသာ ထိုးဖောက်နိုင်မည် ဖြစ်သည်။

(၅) Password Manager အသုံးပြုပါ

Password Manager သည် ဆိုက်အမျိုးမျိုးတွင် သုံးစွဲသူကိုယ်တိုင် အသုံးပြုထားသော username နှင့် password များကို ခြေရာခံပေးသလို လုံခြုံအောင် ပြုလုပ်ပေးသည်။ ၎င်းအနေဖြင့် username/password ကို အလိုအလျောက် ဖြည့်ပေးမည် ဖြစ်သည်။ ထုတ်ကုန်အမျိုးမျိုးတွင် အသုံးပြုထားသော password များကို synchronize ပြုလုပ်ပေးမည်။ Norton, Dashlane, LastPass နှင့် LogMeOnce တို့ကို အသုံးပြုနိုင်သည်။

(၆) Password ကို မဝေမျှပါနှင့်

လူအများအနေဖြင့် password များကို အခြားသူနှင့် အကန့်အသတ်မရှိ ဝေမျှလျက်ရှိသည်။ တစ်ကမ္ဘာလုံးရှိ အရွယ်ရောက်ပြီးသူ ၃၁ ရာခိုင်နှုန်းမှာ password များကို ဝေမျှလေ့ရှိသည်။ အမေရိကန်ရှိ လူပေါင်း သုံးပုံတစ်ပုံမှာ password များမှ ဘဏ် account များအထိ အခြားသူများနှင့်ဝေမျှထားသည်။

(၇) Phishing တိုက်ခိုက်မှုကို သတိထားပါ

သုံးစွဲသူများအနေဖြင့် အီးမေးလ်ကို သေချာစွာ စစ်ဆေးသင့်သည်။ အထူးသဖြင့် မသိသော သူများထံမှ ရောက်လာကာ attachment များပါဝင်သော note များကို ဖျက်ပစ်ပါ။ သံသယရှိသော attachment များကို မနှိပ်ပါနှင့်။ ဘဏ် သို့မဟုတ် လေကြောင်းလိုင်းမှ note တစ်ခုရရှိပါက ပေးပို့သူ၏ အီးမေးလ်လိပ်စာကို သေချာစွာ စစ်ဆေးပါ။ မေးလ်အတွင်း ပါဝင်သောလင့်ခ်များကို နှိပ်ခြင်းထက် browser တွင် copy and paste ပြုလုပ်၍ ကြည့်ရှုသင့်သည်။

(၈) Software ကို အမြဲတစေ update ပြုလုပ်ပါ

တစ်ချို့ပရိုဂရမ်များသည် နေ့စဉ် update ပြုလုပ်ရန် သတိပေးလျက်ရှိသည်။ အချိန်ကြာလာသည်နှင့်အမျှ update များကို အလေးထားခြင်း မရှိဘဲ ဖြစ်တတ်သည်။ ထို့ကြောင့် အန္တရာယ်မဖြစ်ပေါ်စေရန် update ပြုလုပ်ရန် လိုအပ်သည်။

“update သတိပေးချက်တွေကို လူတွေက လျစ်လျူရှုနေပါတယ်။ အကြိမ်တိုင်းမှာ လုံခြုံရေး update တွေကို အဆင့်မြှင့်တင်ထားပါတယ်။ ဒါကြောင့်သုံးစွဲသူအနေနဲ့ လုပ်ဖို့ လိုအပ်ပါတယ်” ဟုအမေရိက ရုပ်ရှင်အစည်းအရုံး၏ အင်တာနက်စည်းကမ်းထိန်းသိမ်းရေး အဖွဲ့ ဒုဥက္ကဋ္ဌဟောင်းနှင့် အင်တာနက်လုံခြုံရေးအကြံပေးလုပ်ငန်း SSP Blue တည်ထောင်သူ ဟီမူနီဂမ်က ပြောကြားခဲ့သည်။

Ref: CNBC

Ref: internetjournal.media